2024 թվականին Հայաստանը կրճատել է նավթամթերքի ներմուծումն ու արտահանումը

Արմինֆո.  2024 թվականին Հայաստանը ներկրել է 489.1 հազար տոննա նավթամթերք, ինչը  6.4%-ով զիջում է մեկ տարվա վաղեմության ցուցանիշին։ Ընդ որում, մաքսային արժեքը կրճատվել է, գործնականում, համաչափ՝ 6,8% - ով ՝ մինչև 469,7 մլն դոլար։ Այդ մասին են վկայում ՀՀ մաքսային ծառայության տվյալները։

Նավթամթերքը ներմուծվել է, հիմնականում, Ռուսաստանից (61,2%), Իրանից (6%), Մալթայից (5,9%), Բուլղարիայից (4,9%), Հունաստանից (4,6%), Ռումինիայից (3,2%), Թուրքիայից (2,7%), Եգիպտոսից (2,3%), Լիբանանից (1,7%), շատ ավելի քիչ՝ Կորեայի Հանրապետությունից (0,3%), Գերմանիայից (0,2%), ինչպես նաև Ավստրիայից, Բելառուսից, Բելգիայից, Թաիլանդից, Ինդոնեզիայից, Իսպանիայից, Իտալիայից, Լեհաստանից, Լիտվայից, Կանադայից, Ուկրաինայից, Սլովակիայից, Սերբիայից, Շվեդիայից, Չինաստանից, Շվեյցարիայից, Հնդկաստանից, Միացյալ Թագավորություիցն, ԱՄՆ-ից, Նիդերլանդներից, Մալայզիայից, Ֆինլանդիայից, Ճապոնիայից:

Հաշվետու տարում Հայաստանը կրճատել է նաև նավթամթերքի արտահանումը՝ 87,3% - ով՝ մինչև 122,5 տոննա, մաքսային արժեքի 72% - ով նվազմամբ՝ մինչև 749,9 հազար դոլար: Նավթամթերքի արտահանման հիմնական ծավալը բաժին է ընկել ՌԴ-ին (82,5%) և Բելառուսին (16,9%), իսկ շատ չնչին մատակարարումներ՝ Վրաստանին և Հարավաֆրիկյան Հանրապետությանը:

Նշենք, որ ՀՀ տարածքային կառավարման և ենթակառուցվածքների նախարարության տվյալներով ՝ 2024 թվականի արդյունքներով Հայաստանը ինդիկատիվ հաշվեկշռի շրջանակներում ՌԴ-ից ստացել է 230 հազար տոննա ավտոմոբիլային բենզին և 175 հազար տոննա դիզելային վառելիք։