Expo 2025 Osaka համաշխարհային ցուցահանդեսի հայկական տաղավար է այցելել շուրջ 1 մլն մարդ

Արմինֆո.  Expo 2025 Osaka համաշխարհային ցուցահանդեսի հայկական տաղավար է այցելել շուրջ 1 մլն մարդ։ Այդ մասին ասվում է ՀՀ էկոնոմիկայի նախարարության ֆեյսբուքյան էջում։ Նշենք, որ ցուցահանդեսը բացվել է 2024 թվականի ապրիլի 13-ին և կշարունակվի մինչև 2025 թվականի հոկտեմբերի 13-ը:

Հայաստանի տաղավարը բաժանված է մի քանի հատվածների. առաջին հատվածն այցելուներին ծանոթացնում է մեր երկրում ժամանակակից կրթության մոդելին, որի շրջանակներում ներկայացված են ԹՈՒՄՈ ստեղծարար տեխնոլոգիաների կենտրոնը, «Արմաթ» ինժեներական լաբորատորիաները, COAF տեխնոլոգիաները և մի շարք այլ կրթական ծրագրեր, որոնք հետաքրքրում են Ճապոնիայի հասարակայնությանը:

Հաջորդ հատվածը բարձր տեխնոլոգիաներն են, այդ թվում ՝ ՏՏ հատվածը և բարձր տեխնոլոգիական արդյունաբերությունը։ Երրորդ ուղղությունը զբոսաշրջությունն է, իսկ վերջին հատվածը՝ պարենն ու գինին։

 Ինչպես նշել են գերատեսչությունում, սեպտեմբերի 5-ին ցուցահանդեսի շրջանակներում տեղի կունենա մեծ միջոցառում, որը նվիրված կլինի Հայաստանի ազգային օրվան: Բավականին հագեցած և հետաքրքիր ծրագիր է սպասվում։

Հիշեցնենք, որ տարիներ առաջ ՀՀ էկոնոմիկայի արդեն նախկին նախարար Վահան Քերոբյանը մամուլի ասուլիսի ժամանակ հաղորդել էր, որ Հայաստանի տաղավարը նախագծվել է ճապոնական առաջատար MASH CORPORATION ընկերության կողմից՝ Հայաստանի "Ստորակետ" ճարտարապետական արվեստանոցի հետ համագործակցությամբ, և հագեցած է նորարարական, թվային տեխնոլոգիաներով, արհեստական բանականության լուծումներով, ռոբոտատեխնիկայով, բլոկչեյն տեխնոլոգիաներով, կրիպտո, NFT և այլն: Osaka Expo 2025-ի Ճապոնիայի գրանցման գործը հաստատվել է Ցուցահանդեսների միջազգային բյուրոյի (BIE) Գլխավոր ասամբլեայի կողմից՝ 2020 թվականին, երբ ամբողջ աշխարհում մոլեգնում էր Covid-19 համավարակը, որը մարդկությանը ստիպեց դիմակայել աննախադեպ ճգնաժամի: Osaka Expo 2025-ի "Ապագայի հասարակության ստեղծումը մեր կյանքի համար" թեմայի շուրջ արտացոլումը և անհրաժեշտ քայլեր ձեռնարկելը դարձել է այս դարի առաքելությունը: Միջազգային հանրությունը լուրջ ջանքեր է գործադրել մինչև 2030 թվականը Կայուն զարգացման նպատակներին (ԿԶՆ) հասնելու համար, և այդ ջանքերը համապատասխանում են Էքսպո-ի անցկացման կարևորությանը:

Ցուցահանդեսի անցկացման վայրը Յումեշիմա արհեստական կղզին է, որը գտնվում է Օսակայի ծովափին: Սպասվում է, որ, ընդհանուր առմամբ, միջոցառմանը ներկա կլինի 28 մլն մարդ:

Նշենք, որ ըստ ՀՀ Վիճակագրական կոմիտեի տվյալների ՝ Հայաստանի և Ճապոնիայի միջև առևտրաշրջանառությունը 2025թ. հունվար-հունիսին կազմել է 64.3 մլն դոլար ՝ տարեկան 18.2% աճով ։ Ընդ որում, արտահանումն աճել է 2.7 անգամ ՝ մինչեւ 10.3 մլն դոլար՝ ներմուծման 6.7% , մինչեւ 54 մլն դոլար աճի ֆոնին։

Առաջին կիսամյակում Ճապոնիայից Հայաստան է այցելել 1 081 զբոսաշրջիկ, ինչը 37.7% - ով բարձր է նախորդ տարվա ցուցանիշից: