Արմինֆո. Հայաստանը և Լեհաստանը քննարկել են երկկողմ համագործակցության ընդլայնման և մաքսային ու հարկային հարցերում փորձի փոխանակման հնարավորությունները: Այս մասին հայտնել է Պետական եկամուտների կոմիտեի (ՊԵԿ) մամուլի ծառայությունը՝ հղում անելով կոմիտեում Լեհաստանի ֆինանսների նախարարի մաքսային և հարկային համագործակցության հարցերով հավատարմագրված ներկայացուցիչ Բարտոշ Գրուշեցկիի հետ հանդիպման արդյունքներին:
Մասնավորապես, հանդիպման ընթացքում ընդգծվել է Հայաստանում սահմանների ինտեգրված կառավարման ռազմավարության մշակման և իրականացման գործում լեհական փորձի ուսումնասիրության կարևորությունը, ինչպես նաև այս ոլորտում հնարավոր աջակցություն ցուցաբերելու հեռանկարները:
Հանդիպումից հետո կողմերը հաստատել են իրենց փոխադարձ պատրաստակամությունը շարունակել մաքսային և հարկային վարչարարության արդյունավետության բարձրացմանն ուղղված համագործակցությունը:
