Հայկական բրենդերը մուտք են գործում սկանդինավյան շուկա

Արմինֆո. Օգոստոսի 6-8 վեց հայկական բրենդեր առաջին անգամ կներկայացվեն POET Concept շոուռումում Կոպենհագենի Նորաձևության Շաբաթվա միջոցառումների շրջանակում, որը ոլորտի առաջատար հարթակներից է՝ ուղված կայուն զարգացման և նորարարության վրա։ Ինչպես ԱրմԻնֆո-ին հաղորդել են Հայաստանի նորաձևության և հագուստի պալատի (FGC) մամուլի ծառայությունից, POET Concept եռօրյա շոուին կմասնակցեն հայկական ապրանքանիշերը, որոնց թվում են Ariga Torosian, Avetisian Jewelry, Loom Weaving, Ruzane, Soncess և True Romance:

Մասնակցության նախաձեռնողը Նորաձևության և հագուստի պալատն է։ Ըստ աղբյուրի, հայկական բրենդերի համար POET Concept-ին մասնակցությունը նշանակալի իրադարձություն է, քանի որ բացում է նոր շուկաների և լսարանների հասանելիությունը: POET Concept հարթակը միավորում է արվեստը, նորաձևությունը և մանրածախ առևտուրը ՝ ստեղծելով յուրահատուկ մթնոլորտ B2B հաղորդակցության համար:

Հայկական տաղավարի այցելուները կկարողանան տեսնել ավանդույթներն ու արդիականությունը համադրող հավաքածուներ՝ ազգային մոտիվներով գործվածքներից և ավանգարդային ուրվանկարներից մինչև ժամանակակից առօրյա հագուստ և կոնցեպտուալ աքսեսուարներ:

Նշենք, որ Հայաստանի նորաձևության և հագուստի պալատը (FGC Armenia) հիմնադրվել է 2017 թվականին և միավորում է ավելի քան 280 ապրանքանիշներ նորաձևության և տեքստիլի ոլորտում ՝ խթանելով հայկական կրեատիվ մտածողությունը համաշխարհային ասպարեզում՝ հենվելով կայունության, արհեստագործության և նորարարության վրա: