ՀԷՑ-ը հայտարարում է շուկայի նախնական ուսումնասիրության անցկացման մրցույթ՝ նախագծման ծառայությունների ձեռք բերման նպատակով

Արմինֆո.  "Հայաստանի էլեկտրական ցանցեր" ՓԲԸ-ն (ՀԷՑ) իր գործունեությունն ու պարտավորությունների կատարումն ապահովելու նպատակով նախատեսում է անցկացնել էներգետիկայի ոլորտում նախագծման ծառայությունների (մալուխային և օդային էլեկտրահաղորդման գծեր, ենթակայանների կառուցում և այլ ինժեներական ենթակառուցվածքների ստեղծում) գնման բաց մրցույթ:

Ընկերության նախաձեռնած մրցույթի օբյեկտիվությունը, ներառականությունը և թափանցիկությունն ապահովելու նպատակով նախատեսվում է իրականացնել շուկայի նախնական ուսումնասիրություն, գնային ուսումնասիրություններ և ստանալ գնային առաջարկներ ոլորտի տնտեսվարող սուբյեկտների հնարավորինս լայն շրջանակից:

Գնային ուսումնասիրություններ իրականացնելու համար ընկերությունն առաջարկում է մասնակցության ցանկություն կամ շահագրգռվածություն հայտնած իրավաբանական անձանց և անհատ ձեռնարկատերերին մինչև սույն թվականի օգոստոսի 6-ը ստորև նշված էլեկտրոնային փոստի հասցեով ուղարկել կազմակերպության կամ անհատ ձեռնարկատիրոջ անվանումը, կոնտակտային հեռախոսահամարը և էլեկտրոնային փոստի հասցեն:

Նշված ժամկետը լրանալուց հետո գնային հետազոտությունների անցկացման հետագա գործընթացն ապահովելու նպատակով ընկերության ներկայացուցիչը կապ կհաստատի ծանուցման մեջ նշված գործընթացին մասնակցելու հետաքրքրություն հայտնած բոլոր տնտեսվարող սուբյեկտների հետ: Հասցե.  Ա. Արմենակյան փող., 127, էլ. փոստ: [email protected], Հեռ. 010-59-12-57, ընկերության ներկայացուցիչ' Մերի Ասիլյան:

Հիշեցնենք, որ 2016 թվականից "Հայաստանի էլեկտրական ցանցեր" ՓԲԸ-ն պատկանում է ռուսաստանահայ գործարար Սամվել Կարապետյանի հիմնադրած "Տաշիր" ընկերությունների խմբին: Վարչապետ Նիկոլ Փաշինյանը ՀԷՑ-ն ազգայնացնելու մտադրության մասին հայտարարել էր այն բանից հետո, երբ Սամվել Կարապետյանը հրապարակային աջակցություն էր հայտնել ՀԱԵ-ին: Այնուհետև Հայաստանի խորհրդարանն ընդունել էր օրենսդրական փոփոխությունների փաթեթը, որը միտված էր "Տաշիր" ընկերությանը պատկանող ՀԷՑ-ի ազգայնացմանը, իսկ հուլիսի 18-ին ՀԾԿՀ նախագահի որոշմամբ Ռոմանոս Պետրոսյանը նշանակվել է "Էլցանցերի" ժամանակավոր կառավարիչ ՝ վարչական վարույթի և ՀԷՑ-ի նկատմամբ կանխարգելիչ միջոցառումների կիրառման շրջանակում: