ՀԾԿՀ նախագահը և ՀԷՑ-ի ժամանակավոր կառավարիչը քննարկել են համագործակցության հեռանկարները

Արմինֆո. 2025 թվականի հուլիսի 30-ին տեղի է ունեցել աշխատանքային հանդիպում ՀՀ հանրային ծառայությունները կարգավորող հանձնաժողովի նախագահ Մեսրոպ Մեսրոպյանի և «Հայաստանի էլեկտրական ցանցեր» ՓԲԸ ժամանակավոր կառավարիչ Ռոմանոս Պետրոսյանի միջև։

ՀԾԿՀ հաղորդագրության համաձայն,  հանդիպմանը քննարկվել են ընթացիկ աշխատանքային հարցեր, առաջիկա համագործակցության հնարավորությունները, ինչպես նաև ոլորտին առնչվող մի շարք այլ հարցեր։

«Հանդիպման ընթացքում կողմերը կարևորել են արդյունավետ համագործակցության շարունակականությունը՝ որպես ոլորտային խնդիրների լուծման և կայուն զարգացման ապահովման նախադրյալ», - նշվում է հաղորդագրությունում։

Ավելի վաղ վարչապետ Նիկոլ Փաշինյանը հայտարարել էր "Տաշիր" ընկերությունների խմբին պատկանող "Հայաստանի էլեկտրական ցանցեր" ընկերությունը պետականացնելու ծրագրերի մասին: Դա տեղի էր ունեցել մի քանի ժամ անց այն բանից հետո, երբ "Տաշիր" -ի ղեկավար Սամվել Կարապետյանը հրապարակավ աջակցություն էր հայտնել ՀԱԵ-ին, ինչի պատճառով ձերբակալվել էր, իսկ հետո՝ 2 ամսով կալանավորվել: Այնուհետեւ Հայաստանի խորհրդարանն ընդունելլ էր  ՀԷՑ-ի ազգայնացմանն ուղղված օրենսդրական փոփոխությունների փաթեթ: Հուլիսի 18-ին  ՀԷՑ-ի նկատմամբ վարչական վարույթի եւ կանխարգելիչ միջոցառումների կիրառման շրջանակներում ՀԾԿՀ նախագահի որոշմամբ Ռոմանոս Պետրոսյանը նշանակվել է ՀԷՑ - ի ժամանակավոր կառավարիչ: Հաղորդվել է, որ Պետրոսյանի լիազորությունները կպահպանվեն մինչև վարչական վարույթի արդյունքների մասին ակտի ուժի մեջ մտնելը:

"Ռոմանոս Պետրոսյանին նշանակել եմ իմ որոշմամբ, քանի որ նրան վաղուց եմ ճանաչում։ Գնահատել եմ նրա կառավարչական որակները, հատկապես, վերջին 3,5 տարիների արդյունավետ աշխատանքը Պետական վերահսկողական ծառայությունում: Հիմա ՀԷՑ-ի ժամանակավոր կառավարիչը, իմ կարծիքով, պետք է լավ կառավարիչ լինի։ Իմ ընտրությունը կանգ է առել նրա վրա>, - հուլիսի 24-ին լրագրողների հետ ճեպազրույցում հավաստիացրել է Մեսրոպ Մեսրոպյանը։

Նույն օրը երեկոյան ՀՀ արդարադատության նախկին նախարար Արփինե Հովհաննիսյանը սոցցանցում հայտարարել էր, որ Մեսրոպ Մեսրոպյանը լիազորված չի եղել նշանակել ՀԷՑ-ի ժամանակավոր կառավարիչ: "Նման իրավունք ուներ հանձնաժողովը, քանի որ լիազորված սուբյեկտը, ըստ սահմանադրության, հանձնաժողովն է", - պարզաբանել է նա:

Նշենք նաև, որ հուլիսի 24-ին Ռոմանոս Պետրոսյանը կադրային փոփոխություններ է կատարել ընկերության բարձրաստիճան պաշտոնյաների շրջանում, չնայած այն հանգամանքին, որ մեկ օր առաջ հայտնի էր դարձել, որ "Տաշիր" ընկերությունների խմբի ղեկավար Սամվել Կարապետյանն ու նրա ընտանիքը շահել են ՀԷՑ-ի պետականացման գործով ՀՀ կառավարության դեմ  արբիտրաժային վեճը: Գործի քննությունը տեղի է ունեցել Ստոկհոլմի Առևտրի պալատի արբիտրաժային ինստիտուտում (ՄՊԿ) ' Հայաստանի և Կիպրոսի միջև ներդրումների խրախուսման և փոխադարձ պաշտպանության մասին 1995թ.հունվարի 18-ի համաձայնագրի հիման վրա: Գործի քննությանը մասնակցել է նաև Հայաստանի Հանրապետության կառավարության ներկայացուցիչը:

Դատարանը վճռել է, որ Հայաստանը պարտավոր է ձեռնպահ մնալ "Էներգետիկայի մասին" և "Հանրային ծառայությունները կարգավորող մարմնի մասին" օրենքներում վերջերս ընդունված փոփոխությունների կիրառումից, ինչպես նաև ՀԷՑ-ի ակտիվների առգրավմանն ուղղված հետագա ցանկացած քայլից: Ընկերության տնօրենների խորհրդի նախագահ Նարեկ Կարապետյանն, իր հերթին, պարզաբանել է, որ այդպիսով դատարանն արգելել է Հայաստանի կառավարությանը բռնագանձել կամ վաճառել ՀԷՑ-ի ակտիվները, փոխել ընկերության ղեկավար մարմինների կազմը, հետ կանչել ընկերության գործունեության լիցենզիաները եւ որեւէ կերպ սահմանափակել "Էլցանցերի" բնականոն գործարար ակտիվությունը: Ինչպես հայտարարել է ՀԷՑ-ի ժամանակավոր կառավարիչ Ռոմանոս Պետրոսյանը, արբիտրաժի վճիռը Հայաստանում իրավական ուժ կստանա միայն դատարանի համապատասխան որոշումից հետո: