Հետազոտություն. Հայաստանի հեռահաղորդակցության ոլորտը մինչև 2027 թվականը կաճի տարեկան 3,9%-ով

Արմինֆո.Վերջին հինգ տարիների ընթացքում Հայաստանի հեռահաղորդակցության  շուկան աճել է 25% - ով՝ 2024թ. արդյունքներով հասնելով 154,5 մլրդ դրամի, իսկ օպերատորների հասույթի հիմնական աղբյուրներն են բջջային կապն ու ֆիքսված ինտերնետի ծառայությունները:

Այս մասին ասվում է Ռուսաստանի կապի օպերատորների բիզնես գործընթացների փոխակերպման համար բարձր արտադրողական լուծումներ մշակող Nexign–ի եւ TelecomDaily տեղեկատվական-վերլուծական գործակալության համատեղ հետազոտության մեջ։

Նրանց կանխատեսմամբ՝ 2025 թվականին Հայաստանի հեռահաղորդակցության շուկան կկազմի 159,9 մլրդ դրամ ։ Իսկ առաջիկա երեք տարիներին ոլորտը կաճի տարեկան միջինը 3,9% - ով և 2027 թվականի արդյունքներով կհասնի 173,4 մլրդ դրամի։

Nexign-ում և TelecomDaily-ում իրենց գնահատականներն հիմնավորել են այն բանով, որ Հայաստանի հեռահաղորդակցային օպերատորներն իրականացնում են ցանցերի և ծրագրային ապահովման լայնածավալ արդիականացում, դիվերսիֆիկացնում բիզնեսը, զարգացնում թվային ծառայությունները ։ Վերջին մեկ տարվա ընթացքում միանգամից մի քանի բջջային օպերատորներ գործարկել են մեդիա բովանդակության հարթակներ։ Հեռահաղորդակցության բիզնեսի դիվերսիֆիկացման օրինակներից մեկը կապի օպերատորի կողմից էլեկտրական մեքենաների լիցքավորման սեփական ցանցի բացումն է՝ լոյալության ծրագրին ինտեգրվելով (Team Energy - ը, որը Հայաստանի առաջատար հեռահաղորդակցային օպերատորներից մեկի՝ Team ընկերությունների խմբի կազմում է - խմբ.): Բացի այդ, երկրի գրեթե բոլոր բջջային կապի օպերատորներն արդեն գործարկել են 5G (Non-Standalone) ցանցերը առանձին քաղաքներում և շրջաններում առևտրային շահագործման համար: Ծրագրերում է 5G-ի փուլային տեղակայումն է ավտոմայրուղիներում, սահմանային և մաքսային կետերում, ինչպես նաև երկրի բոլոր քաղաքներում:

"Ընդհանուր առմամբ, 5G-ի զարգացումը կնպաստի օպերատորների բիզնեսի հետագա աճին։ Այս միտումը ընդհանուր է տարածաշրջանի բոլոր երկրների համար", - ասվում է հետազոտության մեջ։

Բացի այդ, 2025 թվականին Հայաստանի օպերատորներն ու բանկերը գործարկել են eSIM Mobile ID ծառայությունը, որը քաղաքացիների և բիզնեսի համար պարզեցնում է էլեկտրոնային ստորագրության առցանց նույնականացման և ակտիվացման ընթացակարգը: Եթե նախկինում օպերատորը կարող էր հաստատել անձի ինքնությունը միայն ֆիզիկական SIM քարտ առկայության դեպքում, այժմ դա կարելի է անել eSIM-ով բաժանորդների համար:

«Հայաստանի հեռահաղորդակցային շուկային բնորոշ է լուրջ մրցակցությունը կապի ծառայությունների բարձր ներթափանցման պայմաններում: Բաժանորդային բազայի սահմանափակությունը դրդում է օպերատորներին բարձրացնել ներկայիս օգտագործողների լոյալությունը և մշակել առաջարկներ նորերին ներգրավելու համար' երիտասարդ սերնդին և նրանց, ովքեր պատրաստ են փոխել օպերատորներին: ARPU (Average Revenue Per User-միջին եկամուտը մեկ օգտագործողի համար որոշակի ժամանակահատվածում) բարձրացնելու եւ բաժանորդներին համախմբելու համար շուկայի մասնակիցները մտածում մեկնարկի կոնվերգենտ առաջարկների եւ զարգացման էկոհամակարգերի գործարկման մասին: Մենք տեսնում ենք բիլինգային համակարգերի հարցում, որոնք օգնում են գործարկել կոնվերգենտ ծառայություններ, ինչպես նաև բարձր տեխնոլոգիական լուծումներ 4G/5G ցանցի մոնետիզացման համար, և ուրախ ենք առաջարկել մեր արտադրանքը շուկային», - նշել է Nexign-ի առևտրային տնօրեն Սերգեյ Կարպովը:

Հետազոտությանն ավելի մանրամասն կաելի է ծանոթանալ՝ հետևելով հղմանը. https://nexign.com/ru/map-telecom/armeniya:

Նշենք, որ Nexign-ը միջազգային ընկերություն է, որն ունի 33 տարվա փորձ տնտեսության տարբեր ոլորտների համար բարձր տեխնոլոգիական enterprise լուծումների մշակման գործում:

TelecomDaily տեղեկատվական և վերլուծական գործակալությունը նույնպես հիմնված է Ռուսաստանում և զբաղվում է ճյուղային շուկայի ուսումնասիրությամբ՝ հրապարակելով մասնագիտացված ուսումնասիրություններ, հաշվետվություններ, նորություններ և վերլուծություններ:

ՀՀ վիճակագրական կոմիտեի տվյալների համաձայն՝ 2025թ. հունվար-ապրիլին Հայաստանի հեռահաղորդակցության ոլորտի հասույթը տարեկան կտրվածքով աճել է 1,7% - ով ՝ կազմելով 50.8 մլրդ դրամ։