ԵԱՏՄ հետ Հայաստանի առևտուրն սկսել է խիստ նվազել, իսկ ԵՄ հետ՝ հասել է աճի

Արմինֆո.Հայաստանի առևտուրը ԵԱՏՄ հետ սկսել է խիստ անկում ապրել, իսկ ԵՄ հետ՝ հասել է աճի։ Մասնավորապես, Հայաստանի եւ ԵԱՏՄ միջեւ առեւտրաշրջանառության տարեկան դինամիկան վատթարացել է՝ 2,4 անգամ տպավորիչ աճից մինչեւ 63 տոկոս շոշափելի անկում, ընդ որում, Հայաստանի եւ ԵՄ միջեւ դիտվել է 0,1 տոկոս աճ (մեկ տարի առաջ 37,1 տոկոս անկումից հետո): Արդյունքում՝ ԵԱՏՄ հետ Հայաստանի առևտրի ծավալը 2025թ. առաջին եռամսյակում կազմել է 1.6 մլրդ դոլար, իսկ ԵՄ հետ՝ 494.7 մլն դոլար։ Այս մասին են վկայում ՀՀ վիճակագրական կոմիտեի տվյալները։

Ընդ որում, ԵԱՏՄ երկրների շարքում առանց բացառության բոլորը (առավելապես ՌԴ) կրճատել են ծավալները, մինչդեռ, ԵՄ երկրների գրեթե կեսը, մասնավորաապես, Նիդերլանդները, Բուլղարիան, Ֆրանսիան, Ռումինիան, Ավստրիան, Սլովակիան, Լեհաստանը, Հունաստանը, Հունգարիան նախընտրել են ավելացնել ծավալները: Տարեկան դինամիկայի նման փոփոխությունը Հայաստանի արտաքին առևտրի կառուցվածքում ԵԱՏՄ մասնաբաժինը նվազեցրել է 45,4%-ից մինչև 36,7% (ՌԴ-ի պատճառով՝ 44,7%-ից մինչև 35,3%), իսկ ԵՄ մասնաբաժինը, ընդհակառակը, 5,1%-ից բարձրացրել է մինչև 11,1%:

Հայաստանի առևտրային գործընկերների առաջատար հնգյակում են Ռուսաստանը, Չինաստանը, ԱՄԷ-ն, Իրանը և Գերմանիան, որոնց հետ առևտրի ծավալը 2025թ. առաջին եռամսյակում կազմել է, համապատասխանաբար, 1.6 մլրդ դոլար, 586.3 մլն դոլար, 438.1 մլն դոլար, 171.1 մլն դոլար և 99.1 մլն դոլար: Դրանցից միայն Իրանը կարողացել է երկնիշ անկումից դինամիկան հասցննել 15.2% աճի, իսկ մնացածները հայտնվել են անկման մեջ: Ընդ որում, Ռուսաստանն ու ԱՄԷ - ն վատթարացրել են միտումը՝ մի քանի անգամ աճից դեպի էական 63,8-78,8 տոկոս անկում, ավելի քիչ արտահայտված համանման պատկեր է Չինաստանի պարագայում՝ 96 տոկոս աճից մինչև 33,3 տոկոս անկում, իսկ Գերմանիային, ընդհակառակը, հաջողվել է տեսանելի կերպով դանդաղեցնել անկումը՝ 38,5 տոկոսից մինչև 7 տոկոս։