Փաշինյանը հանձնարարել է մշակել ՀՀ պետական շահերին համապատասխանող նոր Հարկային օրենսգիրք

Արմինֆո. "Մենք անընդհատ բարեկամներ ենք փնտրում: Բայց մեր գլխավոր խնդիրը պետք է լինի փողից բարեկամներ դարձնելը, ինչպես կոչ է անում մեզ Աստվածաշունչը", - նոյեմբերի 14-ին Ազգային ժողովի ամբիոնից հայտարարել է վարչապետ Նիկոլ Փաշինյանը:

"Եթե մենք ուզում ենք ունենալ ամուր պետություն, ապա պետք է համատեղ ջանքերով հնարավորինս շատ փող աշխատենք։ Որքան հնարավոր է շատ փող, օրինական փող աշխատենքւ և պետությունը մեր հարկերով հարստացնենք", - հայտարարել է Փաշինյանը։

Այդ համատեքստում, ինչպես կարծում է Հայաստանի վարչապետը, գործող հարկային օրենսդրությունը չի խթանում հարկի վճարումը։ Մասնավորապես, Փաշինյանը նշել է, որ շրջանառության հարկի համակարգը հակապետական է, ինչի առնչությամբ հանձնարարել է մշակել նոր Հարկային օրենսգիրք։ "Մենք պետք է ունենալ ՀՀ պետական շահերին համապատասխանող ՀՕ", - հայտարարել է վարչապետը։

Հիշեցնենք, որ ՀՀ ֆինանսների նախարարությունը, "արդար հարկում" հաստատելու նպատակով  առաջարկում է 2025 թվականի հունվարից կրկնապատկել շրջանառության հարկի դրույքաչափերը, մասնագիտական գործունեության որոշակի ոլորտներ տեղափոխել ավելացված արժեքի հարկի համակարգ, ինչպես նաև նեղացնել միկրոձեռնարկատիրության համակարգի շահառուների շրջանակը: Նպատակը համակարգերն անհրապույր դարձնելն է բիզնեսի համար ՝ հետագայում հրաժարվելով դրանցից։

Նշենք նաև, որ Աստվածաշունչն ասում է ."Քանզի բոլոր չարիքների արմատը արծաթասիրությունն է, որին անձնատուր լինելով ՝ ոմանք խուսափեցին հավատքից և իրենք իրենց ենթարկեցին շատ նեղությունների":