Արմինֆո. Այսօր Երևանում տեղի է ունեցել Հայաստանի Բանկերի միության (ՀԲՄ) նախաձեռնած առաջին միջազգային BANKING FORUM-2024-ը, որին մասնակցել են հայկական, վրացական և եվրոպական բանկային համակարգերի ներկայացուցիչները:
Միջոցառման հիմնական նպատակն է քննարկել եվրոպական ֆինանսական համակարգին ինտեգրվելու հնարավորություններն ու մարտահրավերները, փոխանակել գիտելիքներն ու փորձը, դիտարկել կոմպլեանսի, ESG ստանդարտների (Էկոլոգիա, սոցիալական քաղաքականություն և կորպորատիվ կառավարում) հետ կապված հարցեր և այլն:
Լրագրողների հետ զրույցում Հայաստանի բանկերի միության նախագահ Դանիել Ազատյանը նշել է, որ Հայաստանի ֆինանսաբանկային համակարգը եվրոպական համակարգից առանձին չի գործում: Նրա խոսքով, կամա թե ակամա, իրենք գործում են սինխրոն ։ "Բայց եթե մենք ցանկանում ենք դուրս գալ համագործակցության նոր մակարդակի եւ ընդլայնել դրա շրջանակները, ապա մեզ անհրաժեշտ են ժամանակակից չափանիշներ եւ ստանդարտներ, որպեսզի "խոսենք նույն լեզվով", - նշել է ՀԲՄ ղեկավարը:
Ընդ որում, գլխավոր մարտահրավերներից մեկը նա համարել է ESG ստանդարտները, ընդգծելով, որ դրանք որոշ չափով թրենդ են դարձել։ Ազատյանը նկատել է, որ ESG -ն անհրաժեշտ է այն համատեքստում, որ գործընթացները դառնան ավելի իրավական, թափանցիկ և անվտանգ: "Այդ ստանդարտների ներդրումը թույլ կտա ավելի հեշտությամբ համագործակցել եվրոպական եւ համաշխարհային բանկերի հետ եւ դառնալ դրանց մի մասը", - պարզաբանել է նա:
Բանկերի միության նախագահը վստահություն է հայտնել, որ այս հարթակը հնարավորություն կընձեռի ուսումնասիրել ֆինանսական համակարգի առջև ծառացած մարտահրավերները, գտնել նորարարական լուծումներ այսօր առկա պահանջների համար և կնպաստի համակարգի կայուն զարգացմանը:
Համաժողովի բացման ընթացքում ելույթ է ունեցել նաև ՀՀ Կենտրոնական բանկի նախագահ Մարտին Գալստյանը: Նա, մասնավորապես, նշել է, որ վերջին տարիներին Հայաստանի բանկային համակարգը մեծ փոփոխություններ է ապրել, հատկապես, դա վերաբերում է ռիսկերի կառավարմանն ու կոմպլեանսին: "Այժմ բանկերի ամենակարեւոր գործառույթներն են համապատասխանության ապահովումը եւ ռիսկերի կառավարումը։ Վերջին 3 տարիների ընթացքում մեր բանկերում գրեթե բազմապատիկ ավելացել է կոմպլեանսի աշխատակիցների թիվը։ ԿԲ - ն, որպես կարգավորիչ, հատուկ ուշադրություն է դարձնում բանկերում ռիսկերի կառավարմանը եւ համապատասխանության բարձր չափանիշների հաստատմանն ու կիրառմանը, ինչը չափազանց կարեւոր է ֆինանսական հոսքերի անխափան ապահովման համատեքստում", - ասել է Գալստյանը: Միեւնույն ժամանակ, նա ընդգծել է, որ Կենտրոնական բանկը ուշադրություն է դարձնում ESG-ին: Այդ առնչությամբ ԿԲ ղեկավարը խոսել է ֆինանսական համակարգի համար անհրաժեշտ պայմանների ստեղծման, խաղի կանոնների և պահանջների հաստատման ծրագրերի մասին: Այդ ուղղությամբ, նրա խոսքով, Հայաստանի բանկերի կողմից մեծ աշխատանք է տարվում։
Ինչ վերաբերում է Հայաստանի, Վրաստանի եւ Եվրոպայի բանկերի համագործակցությանը, Գալստյանը նշել է, որ մի քանի տարվա ընթացքում արդեն հաստատվել են կայուն բիզնես կապեր: "Ես վստահ եմ, որ դրանք ավելի կամրապնդվեն, և այդ առումով մենք շատ անելիքներ ունենք", - ընդգծել է նա:
Նշենք, որ համաժողովի բացման ընթացքում ելույթ են ունեցել նաև Վրաստանի բանկային ասոցիացիայի ESG/SF համակարգող Լևան Գոգոլաձեն, Կենտրոնական և Արևելյան Եվրոպայի բանկային ասոցիացիայի գլխավոր քարտուղար Իշտվան Լենգելը:
Իշխանությունները դադար են վերցնում... Պարզվում է՝ Հայաստանը պատրաստ չէր արևային էներգետիկայի բումին
ԵՏՀ նախարար. 10 տարվա ընթացքում Եվրասիական միությունն ապացուցել է իր արդյունավետությունը 
Բաց նամակ՝ Ուղերձ «Կրիպտոակտիվների մասին» հավասարակշռված և արդի օրենքի փոխադարձաբար ընդունելի մոտեցման հասնելու համար:
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%
Թրամփի առանձնատանը կայացել են Նարեկ Մկրտչյանի հանդիպումները մի շարք ամերիկացի գործիչների հետ